Այսօր Ապարան անունը կապում ենք Գնթունիկ խանութի հետ։ Մուտքից թարմ ու տաք հացի ջերմությունը  այնքան է արբեցնում, որ  եթե քաղցած էլ չէիր, մնում է անցյալում, իսկ եթե այնտեղ ես հաց թխելու ընթացքում, ու տեսնում ես ակրոբատ հացթուխին, որն իր մարմնամարզության վարպետությունն է ցուցադրում թոնրի կողքին հավաքված այցելուներին, ապա հավատացնում եմ ձեզ, որ այլևս հնարավոր չէ առանց հացի հեռանալ։